Kennet ihr die Dumen? Net? hmm.. Also i au net!

I wollt mal was neues ausprobiera, on ben in sonen Tschät ganga. S´war recht net on gmütlich, on mir hän so gwätzt. Au darüber, dass mir ja hier a Plattform entdeckt hän, wo ma au soin Dialekt schwätza koh! S´isch wie es scheint, a bissle a Marktlücke zom sei Plötzlich will a jeder Dialekt schwätza.. s´isch völlig egal, ob ebba ihn verstoht! Oifach Scheißegal!

I bemüh mich ja au noh, so dass ma des verstanda koh. Aber gucket amole die Bajuvaren! Sogar gegenseitig müsset se sich korrigiera, weil se sich sonscht net verstanda! Na isch es doch besser, ma schwätzt hochdeutsch.

Wie au emmer.. also i han na gschrieba.. "ja.. die Schweizer machet des so in ihre Fora.. die schreibet wie se schwätzet"
I muss ehrlich saga.. i fend des gar net so schlecht! Ma muss net so uffpassa, was ma schreibt.. moint ma!

Jedafalls schreibt oine uff mei Bemerkung: "ja, die Dume auch!"

Was in Herrgottsnama sen Dume? I war da des erschte Mal, da frag i net so domm daher! Also ich hab grübelt, grübelt.. ok.. nach so etwa fünf menuta han i dann doch fraga müsse.. wirklich! "Wo lebat die Dumen?"
Sagt se: "ha. ..überall!"
I han jede graue Zelle durchforschtet, ob ebbes abgespeichert isch über das Volk der Dumen.

On was sagt uns diese Gschichte? Es isch gar net so ohwichtig, was ma wie schreibt! Hauptsach ma macht die Fehler an der richtigen Stell! Also oifach so en "m" weglassa, koh für mi scho echt en Unterschied macha!

Außerdem.. mir Schwaben saget "Domm" Also.. in diesem Sinne..

Euer domms
Ernale