Also der Osterhas brengt mir a Büchle, des heißt "Erfolgreich wünschen!" Ja, ok.. i hätts no net auspacka dürfa, aber s´isch doch dem Hasa gleich

Wie au emmer.. also 7 Regeln wie Träume wahr werret! Klengt gut, gell? Also die für mi wichtigschten Regla wäret die:

1. Regel

Fanget se oifach oh! Es isch emmer die eigene Vorstellung, die ebbes zulässt odr verhendert!

Han i gmacht! Putzingrich! Gell!

2. Regel

Richtig formuliera! Net saga "i will reich werra!" sondern "i ben bereit für den Reichtum in meinem Leba". Denn den Zustand von "i will reich werra" den kenn i ja scho! On wenn i den Wunsch so formulier, bleibt älles beim alta!
On na stoht da noch ebbes, wo mei Schwabenherz schmerzt! Da stoht:

So tun als ob!
Wünscha se sich en neua Schrank, na isch es das Beschte, wenn se oifach den Schrank ausräumat, on verschenket odr abhola lasset --> Es isch oifach nur oine Frage der Zeit, bis a neuer Schrank dasteht! Ernschthaft! Des stoht da so!

Jedafalls.. was lerna ma draus? I däf net saga.. i möcht reich werra - wie i´s scho gmacht hän, sondern i ben bereit! Odr wie´s do stoht... s´Geld sucht sich grad d´beschta Weg zu mir

Also i ben aufem beschta Wege, mi gut zum Rüschta für mei Putzingrich! Mensch werd i reich! I muss nur noh moin Verstand überzeuga doch.. stoht au da!

I les amole weiter! Mir sehet os!

Grüßle
Euer
Ernale