I han ja mit Interesse verfolgt, was da letschtens so älles geschrieba wurde bezüglich derer Brötchen on so. Da han i mir denkt, dass doch mal ganz gut wär, a paar Tipps zum geba, wia ma im Haushalt ebbes spara koh! Denn oins stemmt hundert Prozent! Dia Leut schmeisat oifach zu viel weg, on könnet gar nemme richtig wirtschafta! Wenn mir früher so mit dem Essa umganga wäret, wäret mer älle verhungert! Ohne oups! Wirklich! Ma koh über alte Leut saga, was ma möcht, aber wia ma mim Essa omgoht, des wisset die meischte!

On deshalb eröffne i jetzet diesa Beitrag! Da koh jeder, oischließlich moiner Wenigkeit, seine Tipps reischreiba!

Mein erschter Tipp isch.. kaufat net soviel ei! Es wird oifach zu viel weggschmissa! Kaufat net im Hunger ei! Essat vorher ebbes, dann kaufat ihr au weniger! Machet euch en Zettel, was ihr brauchat, on en Plan, was ihr überhaupt kocha wellet!

Mein zweiter Tipp isch... Kochat a bissle meh, on frierat a Portion ei! So hot ma emmer ebbes do on isch flexibel! Hoitzumtag isch des wichtig!

Mein dritter Tipp isch... weniger isch manchmal meh! Ma koh wunderbar kocha mit wenig, on es schmeckt oftmals besser, als wenn ma älles Klomp miteinander vermischelt! Paschta on Kartoffla sen emmer fein.. da koh ma viel macha!

So.. on weitere Tipps werdet noch folga, on i hoff, der oine oder ander hot no ebbes in petto! Gell!

Also.. machet es gut on bleibat sauber! Des on spara isch das Leben!

Euer
Ernale