I muss scho sagen, liebe Leut, i han viel verbasst im Leba. Da komm i jetzt erscht dahenter, wo i uffem Schönheitstrip bin wega moim Putzingrich.

Heut han i mir ebbes kauft für mei Haar. So a Haarpackung Color-Rifresch. On na han i die Packungsbeilage glesa on echt gstaunt. Da stoht:


Legat se ihre Ohrringe ab! Traget se henderm Ohr mit em Wattestäble oine Menge für die Fläche eines Eurocents uff on lasset se des Trockna. Die Stelle na net berühra, abdecka on net wascha für 48 Stunda!

Ha sagt amole! Wer läuft denn mit so em riesa Punkt henderm Ohr für zwoi Dag durch d´Gegend? Soll ma noh vielleicht au net nausganga? Wer macht denn so ebbes? Sich zwoi Dag net hender de Ohra wascha?

On des nur, um zum Seha, ob ma des überhaupt verwenda koh! S´isch scho älles verrückt Was ma net älles macht für so en Putzingrich

Grüßle
Euer
Ernale