Han i heut uffem Markt lacha müssa! Da lauf i annem Stand vorbei, wo se so Cremes verkaufat mit Schelee Royal drin. Un da stand a Muslima ganz enteressiert on die Verkäuferin schwätzt uff se ei. Na sagt se zu der vermummelta Frau.. "gucket se mi oh.. wia alt schätzet se mi denn?" On strahlt wia so en Honigkuchapferdle Da ben i uffmerksam gworda, on han mal genau nohgschaut.. ha so a blede Nuss! Was willsch denn da saga? Vielleicht "sie sehat jedafalls älter aus, als mei Oma!"? Also frisch hat se jedafalls nemme ausgseha, on au total ohgpflegt, überhaupt net repräsentativ für so en Produkt. Da legsch di echt nieder.. was manche Leut so verzapfa, des goht auf kei Kuhhaut. Du kannsch ja net die Frage wahr beantworta.. des gebietet doch die Höflichkeit. Offensichtlich han scho mehrere se ohgloga, sonscht würd se so a Frag nemme stella.

I frag mich eh, was des a vermummelte Muslima enteressiert?! Die isch doch eh emmer vermummelt. Die soll doch gar net gut ausseha, scho gar net jung bleiba, odr han i da was falsch verstanda? Was macht des denn für en Sinn? I han d´ganze Vormittag drüber lacha müssa. I hätt mi ja am liebschta oigmischt, mi aber dann zurückghalta. Ma möcht ja net ohhöflich sei.

Also.. lasset euch net verarscha, gell?! On emmer scheh dia Wahrheit saga, wenn ihr so ebbes gfragt werret. S´macht koin Sinn, wenn so jemand sich weiter zom Affe macht, nur weil älle so lügat.

Grüßle
Euer
Ernale