Die Sueben - neuzeitlich die Schwaben

Ingeborch Schmittseifer und Erna Pritschibilski im Dialog
Feuilleton des GdW

Moderator: Forenteam

Antworten
Erna_Pritschibilski
ohne_Glied
Beiträge: 107
Registriert: 24.02.2008, 00:59

Die Sueben - neuzeitlich die Schwaben

Beitrag von Erna_Pritschibilski » 11.05.2008, 22:23

Hän ihr euch scho amol mit der Geschichte befasst? Also net nur des römische Reich und so ebbes, sondern no weiter zurück?

I han heut amol a weng die Zeit on Ruhe genutzt zu erforscha, warum mir Schwaben so en sonniges Gemüt hän, und han erstaunliches rausgfunda! Mir Schwaba, besser gsagt onsre Vorfahra, die Suaben, waret sogar so um 400 n. Chr. in Spanien! :) Mir hän sogar a weng in der Sproch mitgmischelt! Isch des net intressant? Also die Spaniokel sen so a bissle halt no Schwaben. Die hän also des sonnige Gemüt von ons un net anderscht rum :) Ha! I fend des toll! Des tut aber au einiges erklära! On jetzt verstand i au, warum bei moim letschta Malorca-Urlaub dia emmer zu mir "la suabisa" gsait hän! :) I han in moim Wörterbuch nachgschaut, on i dacht des kommt von "gschmeidig" :) Also i dacht die moinet des wega moiner tolla Haut :) Dabei hän di gsait "dia Schwäbin"! :) Luschtig, gell?!

Also die Suaben waret die Vorfahra von de Schwaben :) On dia hän sich damals mit de Vandala, also au deutsche, mo glaubts kaum, zamma dau, on hän Spanien erobert. On jetzt kommts! Jetzt verstand i au, warom älle andere deutsche Völker ebbes gega uns hän! Des isch die pure Ausländerfeindlichkeit! Die hän ebbes gega os, weil mir so gut sen, on gar nie unser sonniges Gmüt verlierat! Mir sen dia geborene Optimischta! :) S´isch oifach a guate Mischung, gell?

On deshalb sen vielleicht au viele Schwoba gar net blond! :shock: Manche sehat aus wie schwarze Toifel! Da könntsch net glauba, dass des Deutsche sen!

Mir hän sogar en spanischa Schwabenkönig ghät! Jaaa! Der hieß Hermerich! Also richtig en deutscher Name! On des im tiefschta Sevilla!

Leut, Leut! Geschichte isch ebbes ohglaublich tolles! Müsset ihr euch mal beschäftiga! S´wird oim so vieles klar. On übrigens.. was ma da richtig guat seha koh.... dia Menscha sen schon emmer hin on her gwandert! On dia Vandala, dia ja au Deutsche waret, dia hän a Schneise der Verwüschtung durch ganz Europa gschnitta! Deshalb sagt ma ja au.. wia dia Vandala! Intressant, gell?

Grüßle
Euer
Ernale - dia uff de Pfade der schwäbischa Gschichte wandelt :)

Antworten