Gegen den Wind

Also heut war i eikaufa. Onder anderm wollt i Tomata kaufa. Also stand i so vor den Tomata, was soll i saga? Zehn verschiedene Sorta! On Preise! Von 75 Cent bis vier Euro fuffzig war älles dabei!
Moine Nerva! Also da gab es:

Partytomata
Tomataküsse
Snacktomata
Cherrytomata
Strauchtomata
Tomatadatteln
Gelbe Tomata
Grüne Tomata
Bio Tomata
Oliventomata

Wa machsch da? Woher soll ma denn da wissa, was ma kaufa soll?

I han des in alter Schwabentradition gmacht I han dia für 75 Cent gnomma... des waret die Cocktailtomata aus Marokko!

S´isch doch nemme normal, odr? Zehn verschiedene Sorta, in oim kloina Supermarkt On i han no netamol älles gsehn!

Welle Tomata kaufat ihr? Hän ihr da oine Präferenz, wie ma so scheh sait?

Grüßle
Euer
Ernale

Ich hab' immer Tomaten auf den Augen. Die kosten nix

Jo Himmel, Arsch und Zwirn,
wo koofst denn Du ein? Is so ne Art Konsum oder wat? Da siehst mal dit ihr Schwaben immer maßlos übertreiben müsst! Jeh zum Ali, da kannst sojar vorher kosten ob dit Zeuch ooch schmeckt und musst nich lange rummachen watte nun nimmst.

Cocktail? Is da etwa Alk drin? Wenn ma da nich mal Klajen kommen dit de schmutzije Lieder im Hausflur jesunjen hast!
Weeßt ja, die Welt is kleen durch dit Internet und ick erfahr hier allet! Sitz ja inner ehemalijen Stasihochburch !

Dit Hildchen

I glaub des isch eher der Oifluss vo Multikulti. En Schwabe bietet doch net glei zehn Sorta oh! Höchschtens zwoi! Däs überfordert os au, wenn mir soviel aussucha müsset! Wenn mir osere Zeit mit soebbes vertau würdet, hätte mer heut no koin Mercedes baut! Woisch?! Deshalb hän au mir den baut, on koi anderes Bundesland. Dia bauat ja nur Schrott. Die richtige Audos, die originale, kommet aussem Schwabaländle! Weil mir halt normalerweise net so lange Tomata aussuchat.

I könnt wetta, däs isch a Ablenkungsmanöver vo dr Konkurrenz! Abr i koh dir ois saga! Lang machet mir sowas net mit! Wenn mir zurückschlaga, dann auf hohem Nivo, wie ma so scheh sait
Na bauet mir gleichzeitig zehn neue Mercedes, on gleichzeitig au no zehn neue Porsche on schmeissat dia uffen Markt! Na goht in Deutschland nix meh! Älle sen nur noch mit Aussucha beschäftigt! So isch des in einer globalisierta Welt! Ablenkung isch das A on O!

Grüßle
Dei
Ernale

Könntest jlatt inne Politich jehen Ernakin

Dit Hildchen