Also han i geschtern Nacht die Gelegenheit ergriffa, on bin in oine Disko ganga zum Putza. Die hieß ebbes mit roter Käfig. Also Leut! I kann euch saga! Was i da gsehn han! Lauter hübsche Mädels, die uff dr Bar danzt hän!
halb nackig! I han na oine gfragt was se da machet.. on die hat gsait, sie seiat Kojoten
Heidenei! Han i dacht! Kojota sen doch so a Art Hunde 
I han na so a bissle danzt, on na kam die Chefin. I dacht jetzt schempft se glei, weil i danz on net putza tu
Aber noi.. na hat se mi doch glatt gfragt, ob i net amole an der Bar aushelfa koh I??? An der Bar?? Ha ja.. warum net? 
Uiuiui! Des war net ohne! Aber älles en ällem en erfolgreicher Teschtlauf. Die Leut hän mi emmer gfragt, was i da mach, on warum i a Kamara uffem Kopf montiert han.
Na han i erzählt, vom Putzingrich on so.. die hän des älle gut gfunda on han gsait: "Ernale... Du bisch sexy!" 
Na kann i ja weiter macha!
Grüßle
Euer
Ernale
