Jetzt sen nochamol 2000 Steuersünder ufftaucht, on dia sollet Sage on Schreibe
onderschlaga haben! S´muss ma sich mal gnüsslich uff dr Zong zerganga lassa! So ebbes hen au dia Zomwenkels dieser Welt net in der Portokass! Gwiss net!mehr als vier Milliarden Euro
I koh emmer gar net so recht glauba, was dia Leut so elles machet. Da erpressat a paar Sembel erscht die Steuersünder - on dia Deppe hen wohl net wolla zahle, däs hän se jetzt davo! - on noh, als däs älles net klappt, dia Banka, on dia hän wella au net zahla Jetzt hocket se im Knascht Also dia Erpresser! So kohs manchmal ganga.
Wenn mahs genau nemmt, send se jetzt älle die Gelackmeierte Hän si älle gegeseitig ihrgendwia bschissa
Mir düfet jetzt gspannt sei, ob für die neue DVD au wiadr was zahlt werda wird. Guat.. in dem Fall wär Geld wohl verkehrt. Aber Haftverkürzung wär vielleicht drin Freiheit isch meh wert, als Moneta
Für die Zukunft sen däs supa signale! Odr? Jedr, der moint, er müsst irgend ebbes han, dr speichert vorsorglich data. Ha ja.. warum au net? Es schäublet ja eh im ganza Land! on im Zweifel hot ma glei a Sicherheit! Wär ma ja scheh bled, wemmer des Schäublen dem Schäublebot überlässt. So ebbes koh der kloi Mann uff dr Straß au..
Wo soll zukünftig dr Schwarzgeldmensch oigentlich in Ruh no sei Geld ohlehga? S´isch oifach nirgendwo meh sicher! Nix isch heutzom Tage no sicher, nix, nix!
Han i jetzt scho wiader zuviel verrata? Abr lesat selbscht, hier die Quellenohgabe:
http://wirtschaft.t-online.de/c/14/46/2 ... 62504.html
Grüßle
Euer
Ernale